Yacht day-use at Porto Sokhna

برنامج الرحلة كالتالي

اليخت بـ يتحرك من مرسى قدام «بورتو سخنة» مباشرة، بتبتدي تتحرك بيه في المية زي ما انت عايز وتستمتع بالشمس وتتنفس هوا نقي، أو ممكن تقضي اليوم في حمام شمس طويل ومركز.

مرسي اليخوت <<بورتو السخنة>>

اليخوت ماتعتبرش سريعة خالص، وماتتوقعش أنه يكون شبه اليخوت اللي بـ تطلع في الكليبات، بس الأكيد انه هـ يكون واسع ونضيف الى حد كبير.

يخت 30 فرد من الداخل.

فيه ناس بـ تبقى محظوظة وبـ تلمح دولفينز ويتصوروا معاهم وهم بـ يتنططوا في المية حوالين المركب.

اليخت تحت أمرك من 6 الصبح لـ6 المغرب، وقت معمول مخصوص عشان تلحق منظرالشروق والغروب الهايل، بس موضوع الوقت ده يرجعلك فما تقلقش انت مش لازم تروح الفجر كده، بس لو عايز تعمل ده ممكن تروح من بالليل وتقضي الليلة في شالية. وتقوم فايق من الفجرية تلحق يومك. 

المية والهوا طبعاً هـ يجوعوك، ممكن تاكل السمك الطازة بـ يتباع مشوي ومعاه رز وخضار بـ يحضرهم الكابتن بتاع المركب٬ والسمك ده ممكن انت تـ تصطاده أو طاقم اليخت اللي معاك، لو مش حابب تعمل كده ممكن تجيب معاك أكلات خفيفة. ولو بـ تحب الصيد ممكن تستخدم السنارات اللي في اليخت، الطاقم اللي شغال في اليخت هـ يحمسك أنك تصطاد لأن طول الوقت هما بـ يصطادوا. 

ممكن تشغل مزيكا أو تلعب مزيكا أو تلعب كوتشينة وتاكل وتشرب وتصور فوتوغرافية المناظر البديعة حواليك، أو تنزِّل الهلب وتنزل تغطس شوية. في سماعات وستريو ولو عايز تجيب الأغاني اللي بـ تحبها على سي دي أو فلاش يكون أحسن.

رحلة رائعة ليوم واحد برة القاهرة وبأقل التكاليف، إسترخاء وهوا نضيف وشمس ووقت ظريف مع أصحابك على شواطئ العين السخنة، وليك الحرية انك توقف المركب في أي وقت عشان تستمتع بالجو أو حتى تغطسلك غطسين.

إزاي تعمل الرحلة: 

الحجز والاستعلام إتصل علي : 01149669681 / 01022662607

__________________________________________

اليخت 10 أفراد

أيام الجمعه والسبت Weekends:

سعر اليخت 8 أفراد 1500 جنية ، سعر الفرد 150 جنية

سعر اليخت 10 أفراد 1700 جنية ، سعر الفرد 170 جنية

أيام وسط الاسبوع: Med-Days

سعر اليخت الصغير 1300 جنية ، سعر الفرد 130 جنية

سعر اليخت الاكبر 1500 جنية ، سعر الفرد 150 جنية

اليخت 30 فرد

أيام الجمعه والسبت Weekends:

سعر اليخت 4200 جنية ، سعر الفرد 140 جنية

أيام وسط الاسبوع Med-Days:

سعر اليخت 3600 جنية ، سعر الفرد 120 جنية 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تنويه: هذة الاسعار غير شاملة الانتقالات
يوجد رسوم 15 جنية للفرد عند دخول المرسي.